- 52 -

1316. Nov. 8. Liegnitz.

Herzog Boleslaus verkauft der Stadt den glogauer Haag zur Viehweide für 350 Mark.

Nos Boleslaus dei gracia dux Slesie et dominus Legniczensis presentibus recognoscimus uniuersis huius littere inspectoribus et fatemur, quod nostris fidelibus ciuibus in Legnicz vniuersis rubum ibidem ciuitatem circumiacentem siue Gayum, totum ciuitati contiguum videlicet Glogouiam seu eciam versus Jawir aut ubicumque eidem connexum fuerit, vendidimus pro trecentis et quinquaginta marcis grossorum denariorum, quam eciam pecunie summam nobis iam recognoscimus fore persolutam. Quare ipsis damus plenam et omnimodam de dicto rubo faciendi et dimittendi licenciam ipsum vendendi in ipsorum vsus conuertendi, succidendi, impedimento quolibet excluso, quandocumque et quocienscumque ipsis visum fuerit oportunum. Preterea volumus, ne aliquis forestariorum seu officialium dictum Gayum intrantes seu succidentes presumat, sub obtentu nostre gracie aliquatenus inpedire. Super quo presentes litteras ipsis dari mandauimus, nostro sigillo consignitas. Actum et datum in Legnicz infra octauas sanctorum omnium, anno domini M°CCC° sextodecimo.

O. d. St. L. No. 18. An Pergamentstreifen Reste des grossen Siegels. — Bitschens Privilegb. f. LIX. — Altes Privilegb. p. 8.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866